Búgin qazaqstandyq sportshylar Tokioda ótip jatqan Olimpiadada medal ala almady, dep habarlaidy "Ult aqparat" Sports.kz saityna silteme jasap.
Qazaqstan qorjynynda ázirge 7 qola medal bar. Olardy dziýdoshy Eldos Smetov, aýyr atletter Igor Son men Zýlfiia Chinshanlo, boksshylar Qamshybek Qońqabaev, Sáken Bibosynov, palýan Nurislam Sanaev pen karateshi Darhan Asadilov jeńip aldy.
Medal sany boiynsha Qazaqstan 79-shy orynda tur. Kósh basynda Qytai (36-26-17), ekinshi orynda AQSh (31-36-31) keledi, úshinshi orynǵa Japoniia (24-11-16) turaqtaǵan.
Postkeńestik elderdiń arasynda birinshi bolyp Resei (17-23-22) tur, ol jalpy esepte besinshi orynǵa turaqtaǵan. Odan keiin 25-shi orynda turǵan Grýziia (2-5-1), 35-shi oryndaǵy Ózbekstan (2-0-2) tur. Tizimdi 40-shy orynda kele jatqan Ýkraina (1-3-10), 43-shi oryndaǵy Belarýs (1-2-2), 57-shi orynda turǵan Estoniia men Latviia (1-0-1), 67-shi oryndaǵy Armeniia (0-2-2), 68-shi oryndaǵy Qyrǵyzstan (0-2-1), 69-shy oryndaǵy Ázerbaijan (0-1-3), 75-shi orynǵa jaiǵasqan Litva men Túrikmenstan (0-1-0) jalǵastarady.
Medal sany boiynsha 6-tamyz kúngi nátije:
1. Qytai — 36-26-17
2. AQSh — 31-36-31
3. Japoniia — 24-11-16
4. Ulybritaniia — 18-20-20
5. Resei — 17-23-22
6. Avstraliia — 17-6-21
7. Italiia — 10-10-18
8. Germaniia — 9-11-16
9. Niderlandy — 9-10-12
10. Frantsiia — 7-11-9
79. Qazaqstan — 0-0-7.
