Japoniia halyqtyń kóbiniń jasy ulǵaiyp, jumys kúshi azaiyp jatqandyqtan, qarttar úiinde, keńseler men mektepterde robottar sanyn arttyra bastady, dep jazady "Ult aqparat" VVS-ge silteme jasap.
«Japoniia ózgerip jatyr: qoǵam jyldam qartaiyp, shetelden kelýshiler artty jáne memlekette robottar sany eselenip ketti. Ásirese, keńselerdegi kúzet qyzmetinde robottar kóptep pailalanyla bastady. Sońǵy kezderi sarapshylar men saiasatkerler jumys kúshiniń azaiý revoliýtsiiasy kelgenin aityp jatyr. Al robottar olar adamdardy almastyrmai, qosymsha kómek kúshi bolatyndaryna senimdi», - dep jazady basylym.
Japoniia úkimeti birneshe jyl buryn robot qurastyrý salasyna 100 mln dollar investitsiia saldy. Ásirese Tokio 2020 olimpiadasy kezinde álem nazary japon robottarynda bolady dep kútilýde.
«Japoniia úlken demografiialyq problemaǵa tap boldy. Munda halyqtyń ortasha jasy artty, týý kórsetkishi azaidy, halyq sany da azaiyp jatyr.
«Batysta robottarǵa halyqty jumyssyz qaldyrýshylar retinde qaraidy. Al japondar robottardy jaqsy kóredi. Degenmen, sarapshylardyń aitýynsha, Japoniiada ǵana emes, robottar búkil álemde arta bastaidy», - dep jazady basylym.
