Jambyl jerindegi Aisha Bibi jáne Qarahan keseneleri, Jaisań kieli jeri, Kóksai shatqaly jáne basqa da tarihi oryndar - halqymyz úshin ortaq mádeni qundylyqtar. Bul týraly Qazaqstan Prezidenti Qasym-Jomart Toqaev Jambyl oblysyna jumys sapary barysynda aitty, dep habarlaidy "Ult aqparat" Prezidenttiń baspasóz hatshysy Berik Ýálige silteme jasap.
«Oblysta týrizm indýstriiasyn damytý. Álemdegi árbir onynshy jumys orny týrizm salasymen bailanysty. Bul baǵytqa erekshe kóńil bólý kerek. Óńirde týristerdi qyzyqtyratyn tarihi oryndar jetkilikti.
Bes nysanǵa IýNESKO tarapynan halyqaralyq mártebe berilgen (ejelgi qalashyqtar: Aqtóbe-Balasaǵun, Qulan, Órnek, Qostóbe, Aqyrtas). Jambyl jerindegi Aisha Bibi jáne Qarahan keseneleri, Jaisań kieli jeri, Kóksai shatqaly jáne basqa da tarihi oryndar - halqymyz úshin ortaq mádeni qundylyqtar. Úkimet týrizm salasyn damytýdyń memlekettik baǵdarlamasyn qabyldaýda. Oǵan eń mańyzdy 10 týristik nysan kiredi. Onyń ekeýi Almaty óńiriniń taý klasteri. Al Túrkistannyń tarihi-mádeni týristik ortalyǵy Jambyl oblysymen shekaralas ornalasqan. Óńirdiń tarihi-mádeni mańyzyn eskere otyryp, Jambyl oblysynyń ákimine, úsh oblys aýmaǵymen ótetin «Jańa Jibek joly» ekspeditsiialyq marshrýtynyń (Almaty, Túrkistan, Jambyl) týristik infraqurylymyn damytýdy tapsyramyn. Aimaqtyń týristik qýatyn arttyryp, investitsiia tartý úshin júieli sharalar qabyldaý qajet. Úkimet pen ákimdik bul salany birlese damytýǵa kúsh salýy kerek.»- dedi QR Prezidenti.
Eske salsaq, buǵan deiin QR Prezidenti jumys saparymen Jambyl oblysyna kelgendigi týraly habarlaǵan bolatynbyz.
