QR Prezidenti Qasym-Jomart Toqaev «Ulytaý – 2019» Halyqaralyq týristik forýmyna qatysýda. Bul týraly Aqordanyń baspasóz qyzmeti Twitter-degi paraqshasynda jazdy, dep habarlaidy "Ult aqparat".
«Ulytaý – ultymyzdyń altyn besigi, taǵylymdy tarihymyzdyń kýási. Qalyń qaýym osy kieli ólkede el bilegen handardy aq kiizge kóterip, taqqa otyrǵyzǵan. Sondyqtan biz Ulytaý jerine han ordasy, qazaq jeriniń kindigi dep, erekshe qurmetpen qaraimyz!», - dedi Memleket basshysy.
Sonymen qatar Prezident bir-birin daýǵa qisa da, jaýǵa qimaǵan halqymyz bereke-birlikti bárinen joǵary qoiǵandyǵyn, babalardan qalǵan salt-dástúrlerdi búgingi urpaq laiyqty jalǵastyrýy tiistigin atap ótti.
«Ulytaý» ulttyq tarihi-mádeni jáne tabiǵi murajai qoryǵy el igiligine ainaldy. Ulytaý aýdanynyń ortalyǵynda Qazaq handarynyń alleiasy boi kóterdi. Endi elimizdiń osyndai baǵa jetpes bai murasyn ózge jurtqa tanytýdyń jańasha joldaryn oilastyrýymyz kerek»,-dedi Qasym-Jomart Toqaev.
