Qazaqstan Prezidenti Qasym-Jomart Toqaev reseilik "Spýtnik V" áli kúnge deiin halyqaralyq sertifikat almaǵanyna qatysty oiyn aitty, dep habarlaidy Sputnik Qazaqstan.
"Ózim "Spýtnikom V" vaktsinasyn saldyrdym. Sondyqtan ol tiimdi dep oilaimyn. Vaktsinanyń halyqaralyq sertifikat almaǵanyna tańǵaldym", - dedi ol Shyǵys ekonomikalyq forýmynyń plenarlyq otyrysynda.
Prezident "Spýtnik V" de-fakto" barlyq álemde moiyndalǵanyn jetkizdi. Álemdegi 60-tan astam memleket osy vaktsinany qoldanýda.
Moderatordyń sózine jaýap bergen Qazaqstan Prezidenti elge vaktsina jetkizý boiynsha kelissóz barysynda Resei eshqandai aldyn ala talap qoimaǵanyn jetkizdi.
Shyǵys ekonomikalyq forýmy 2-4 qyrkúiek aralyǵynda Vladivostokta Qiyr shyǵys federaldy ýniversitetiniń kampýsynda ótip jatyr.
Aita keteiik, biyl aqpan aiynda Qazaqstanda eki komponentti "Spýtnik V" vaktsinasy tirkeldi. Ol Reseidiń N.F. Gamalei atyndaǵy epidemiologiia jáne mikrobiologiia ulttyq zertteý ortalyǵynyń qoldaýymen "Qaraǵandy farmatsevtikalyq kesheninde" shyǵaryla bastady.
"Spýtnik V" vaktsinasy jalpy turǵyndar sany 3,5 milliard adam bolatyn 67 elde qoldanylady.
