Memleket basshysy Qasym-Jomart Toqaev qazaqstandyq órenderdi Bilim kúnimen quttyqtady, dep habarlaidy "Ult aqparat".
«Mektep oqýshylary men stýdentterdi Bilim kúnimen quttyqtaimyn! Búgin jańa oqý jyly bastalady. Sizderge óz kúsh-jigerlerińizge, talpynystaryńyzǵa, eńbekterińizge súiene otyryp, bolashaqtaǵy jetistikterińizdiń irgetasyn qalaý mindeti tur. Jańa álemdegi eń qundy dúnie sanalatyn bilimge jol ashatyn ustazdarǵa tabys tileimin» dep jazdy Prezident Twitter paraqshasynda.
Onyń aitýynsha, pandemiia mektepter men joǵary oqý oryndaryndaǵy oqý jylynyń bastalýyna keri áserin tigizdi.
«Biraq bul - ýaqytsha qubylys. Úkimetke balalar men jastar arasynda qaýipti indettiń aldyn alyp, sanitarlyq normalardy saqtai otyryp, bilim berýdiń dástúrli qalpyna oralý tártibin ázirleý tapsyryldy» dep jazady Qasym-Jomart Toqaev.
