Qoǵamda áielderdiń ekonomikalyq ári saiasi ustanymdaryn barynsha qoldaýdy qamtamasyz etý kerek. Bul týraly Memleket basshysy Qasym-Jomart Toqaev Qazaqstan halqyna arnalǵan Joldaýyn jariialaý kezinde aitty, dep habarlaidy QazAqparat.
«Biyl jazdyń basynda meniń Jarlyǵyma sáikes Úkimet Adam quqyqtaryn qorǵaý jónindegi keshendi jospardy bekitti. Bul mańyzdy qujat Qazaqstanda adam quqyqtaryn qorǵaý júiesin ary qarai jetildirýdiń uzaq merzimdi institýtsionaldy negizin belgileidi. Keshendi jospardy qabyldaǵannan keiin, genderlik teńdikti qamtamasyz etý boiynsha belsendi jumys bastaldy», - dedi Prezident.
Memleket basshysynyń aitýynsha, osyǵan bailanysty qoǵamda áielderdiń ekonomikalyq ári saiasi ustanymdaryn barynsha qoldaýdy qamtamasyz etý kerek.
«Bul jumystarǵa Prezident Ákimshiligi jaýapty. Sonymen qatar otbasylyq genderlik saiasat kontseptsiiasyna ózgertýler engizý kerek», - dedi Toqaev.
