Halyqaralyq pándik olimpiadalarda jeńimpaz jáne júldeger bolǵan oqýshylarǵa birrettik aqshalai syiaqy beriledi. Bul týraly Memleket basshysy Qazaqstan halqyna Joldaýynda aitty, dep habarlaidy "Ult aqparat".
«Biyl birneshe oqýshy halyqaralyq pán olimpiadalarynyń jeńimpazdary men júldegerleri atandy. Ondai daryndy balalarǵa jan-jaqty qoldaý kórsetý qajet. Biz olarǵa joǵary oqý ornyna túsý úshin konkýrstan tys granttar beremiz. Bir rettik aqshalai syiaqy da tóleimiz. Balalardyń ustazdaryn da moraldyq jáne materialdyq turǵydan yntalandyrǵan jón», - dedi Qazaqstan Prezidenti.
Sonymen qatar Memleket basshysy jalpyǵa mindetti oqý aiasynda áleýmettik az qamtylǵan otbasylardyń balalaryn da qoldaý mańyzdy ekendigin aitty.
«Materialdyq qoldaý kórsetý sharalaryn «Tsifrly ustaz» bilim berý jobasymen tolyqtyrǵan jón», - dedi Qasym-Jomart Toqaev.
