Foto: © Sputnik / Abzal Kaliev
Memleket basshysy Qasym-Jomart Toqaev qazaqstandyqtardy Ramazan aiynyń bastalýymen quttyqtady, - dep habarlaidy "Ult aqparat" Aqordanyń baspasóz qyzmetine silteme jasap.
"Ardaqty aǵaiyn! Sizderdi qasietti Ramazan aiynyń bastalýymen shyn júrekten quttyqtaimyn!
Bul – kúlli musylman qaýymy úshin mán-mańyzy airyqsha mezgil. Adamzatty rýhani tazarýǵa jáne jan-jaqty kemeldenýge bastaityn osy aida tózimdilik, janashyrlyq, imandylyq siiaqty qundylyqtar keńinen dáripteledi.
Ata-babamyz Ramazandy «on eki aidyń sultany» dep ardaqtaǵan. Oraza ustaǵan jamaǵatqa aýyzashar berip, bir-birine erekshe qurmet kórsetken. Salt-dástúrimizben sabaqtas asyl dinimiz ǵasyrlar boiy Uly dalada eldiń birligin jáne qoǵamnyń tynyshtyǵyn saqtaý jolynda mańyzdy ról atqaryp keledi.
Meiirimdilik aiynda halqymyz igi isterin eselep, saýapqa kenele bersin!
Barshańyzǵa zor densaýlyq, baq-bereke tileimin! Oraza qabyl bolsyn!" - deidi Prezident óz quttyqtaýynda.
Eske salaiyq, biyl ramazan 23 naýryzda bastaldy. Al sáýirdiń 17-nen 18-ine qaraǵan tún - qasietti Qadir túni. 21 sáýir - oraza ait merekesi.
