Qazaqstanda koronavirýsqa shaldyqqandardyń jartysyna jýyǵy sapaly ári tiimdi em alady. Bul týraly «BIZ BIRGEMIZ» onlain forýmda Qazaqstan Prezidenti Qasym-Jomart Toqaev aitty, dep habarlaidy QazAqparat.
«Indet qaita órshigen jaǵdaida, onyń aýqymy keńeigen kezde sizderge qorǵanys kostiýmder, qajetti preparattar, tósek-oryn jetispeidi, ózge de qiyndyqtarmen betpe-bet kelesizder. Bul problemalardy taiaý ýaqyttyń ishinde sheshemiz. Úkimetke shuǵyl túrde bul jaǵdaidy durystaý týraly naqty tapsyrma berilgen. Qazir barlyqtaryńyzǵa paryz ben meditsinalyq antqa adaldyqtaryńyz úshin úlken alǵysymdy bildirgim keledi. Qazaqstanda 100 myń azamatqa shaqqanda aýyrǵandardyń sany 80-nen sál ǵana asady. Bul álemdik statistika sáikes, ortasha kórsetkish sanalady. Tym jaman bolmasa da, óte jaqsy emes. Biz aýrýǵa shaldyqqandardyń statistikasyn muqiiat qadalaǵap otyrmyz. Biraq, saýyǵyp shyqqandardyń statistikasyn jii esten shyǵaryp alamyz», - dedi Qazaqstan Prezidenti.
Memleket basshysy aýyrǵandardyń shamamen jartysy sapaly ári tiim em alatyndyǵyn jáne bul barlyq meditsina qyzmetkerleriniń eńbegi ári jumystarynyń kórsetkishi ekendigin basa aitty.
«Aýyrǵandardyń basym bóliginiń koronavirýstan sátti emdelip shyǵatyndyǵyna senimdimin. Kúni keshe ǵana óz Jarlyǵymmen bir top meditsina qyzmetkeriniń janqiiarlyq jumystaryn yntalandyrý maqsatynda memlekettik ordendermen jáne medaldarmen marapattadym. Osy adamdardyń atynan elimizdiń barlyq meditsina qyzmetkerlerine alǵysymyzdy bildiremiz», - dedi Qasym-Jomart Toqaev.
