Memleket basshysy Qasym-Jomart Toqaev Qazaqstan aýǵan bosqyndaryn ýaqytsha ornalastyrýǵa nege kelispegenin túsindirdi, dep habarlaidy Sputnik Qazaqstan agenttigi.
"Amerika ákimshiligimen jumys istegen aýǵan bosqyndaryn belgisiz ýaqytqa – ne eki, ne úsh, ne alty aiǵa panalatý jaiynda aitatyn bolsaq, biz bul máseleni oń sheshken joqpyz, sebebi onda Qazaqstannyń egemendigine qatysty óte kóp másele bar", - dedi Toqaev Shyǵys ekonomikalyq forýmynda sóilegen sózinde.
"Qazaqstanǵa kelýge tiis adamdardyń kirý vizalary bolmady, sondai-aq logistikanyń ózi bul máseleni oń sheshýge múmkindik bermedi", dep tolyqtyrdy Prezident.
"Biz Aýǵanstanda jumys istegen kontingentti, sonyń ishinde áskeri kontingentti alyp ketetin NATO memleketteri men AQSh ushaqtaryna ushyp ótýge jáne janarmai quiý úshin Qazaqstannyń áýe keńistigi men áýejailaryn paidalanýǵa berdik", - dedi Toqaev.
Forýmda sonymen qatar Taliban* qozǵalysyn moiyndaý-moiyndamaý máselesi de talqylanyp jatyr.
"Másele názik, ol saqtyqty qajet etedi. Men búgin Taliban qozǵalysynyń is-áreketin muqiiat baqylaitynymyzdy birneshe ret aittym, bári osyǵan bailanysty", - dedi Toqaev.
Eske sala keteiik, "Taliban" tamyzdyń ortasynda Aýǵanstan astanasyn basyp aldy, 16 tamyzda tálibter eldegi soǵys aiaqtalǵanyn málimdedi. 31 tamyzǵa qaraǵan túni AQSh áskerileri Aýǵanstannan tolyǵymen shyǵyp ketti.
Taliban * - Qazaqstanda jáne basqa da birqatar elde tyiym salynǵan ekstremistik uiym.
