Foto: wikipedia
Memleket basshysy Qasym-Jomart Toqaev apattyń mán-jaiyn anyqtap, tiisti sheshim qabyldaý úshin Qaraǵandy oblysyndaǵy qaiǵyly oqiǵa oryn alǵan jerge bardy, dep habarlaidy "Ult aqparat" Aqordanyń baspasóz qyzmetine silteme jasap.
Aita keteiik, 28 qazanǵa qaraǵan túni Qaraǵandy oblysyndaǵy Kostenko atyndaǵy shahtada apat boldy. Tótenshe jaǵdai kezinde jer astynda 252 shahter bolǵan. 208-i jer betine shyǵarylyp, onyń 18-i meditsinalyq kómekke júgingen.
"Shahtada 23 kenshi qaldy. 21 kenshiniń máiiti tabyldy. Izdeý-qutqarý jumystary jalǵasyp jatyr", - delingen saǵat 12:00-degi jaǵdai boiynsha taratylǵan habarlamada.
Buǵan deiin prezident Qasym-Jomart Toqaev úkimetke "ArselorMittal Temirtaý" kompaniiasymen investitsiialyq yntymaqtastyqty toqtatýdy tapsyrdy.
