Foto: ashyq derekkóz
Memleket basshysy Astana Team balalar hokkei komandasyn Kanadada ótken Quebec International Pee-Wee Hockey Tournament halyqaralyq týrnirinde jeńiske jetýimen quttyqtady, dep habarlaidy Ult.kz.
Prezident qazaqstandyq klýbtyń sensatsiialyq jetistigi otandyq sporttaǵy aitýly oqiǵa ekenin atap ótti.
Qasym-Jomart Toqaev joǵary sheberlik pen jeńiske degen airyqsha jiger tanytqan jas sportshylarǵa rizashylyǵyn bildirdi. Memleket basshysy finalda hokkeidiń otany sanalatyn kanadalyq qarsylastardan basym túsken órenderdiń tabandylyǵy men kásibiligine erekshe toqtaldy.
Prezident jas hokkeishilerdiń aldaǵy ýaqytta da tynymsyz jattyǵyp, sheberlikterin shyńdap, budan da biik belesterdi baǵyndyratynyna senim bildirip, olarǵa sáttilik tiledi.
Aita keteiik, qazaqstandyq Astana Team komandasy Kanadada ótken Quebec International Pee-Wee Hockey Tournament halyqaralyq týrniriniń AA Elite divizionynda jeńimpaz atandy.
Jarysqa 2013 jyly týǵan jasóspirimder qatysty. Astana Team quramynda ózge klýbtardyń oiynshylary da boldy: Torpedo (Óskemen), HK Astana, Iýnost (Qaraǵandy) jáne Taigers (Almaty).
Qazaqstandyq hokkeishiler alty match ótkizip, barlyǵynda jeńiske jetti. Jalpy esep – 21:11. Týrnirge 20 eldiń komandalary qatysty. Osylaisha, Qazaqstan jarys tarihynda chempion atanǵan besinshi el boldy. Buǵan deiin bul jetistikke Kanada, AQSh, Resei, Finliandiia, Shvetsiia jáne Chehiia quramalary ǵana qol jetkizgen.
