Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty
Qoǵam

Toqaev Almatydaǵy atysta qaza tapqan politseiler men sot oryndaýshysyn marapattady

Ult portaly
Toqaev Almatydaǵy atysta qaza tapqan politseiler men sot oryndaýshysyn marapattady


Qazaqstan Prezidenti Qasym-Jomart Toqaev Almatydaǵy atystan qaza tapqan politseiler men sot oryndaýshysyn marapattady, - dep habarlaidy "Ult aqparat" Aqordaǵa silteme jasap. 

"Qyzmettik boryshyn atqarýda kórsetken erligi men janqiiarlyǵy úshin nagradtalsyn:

II dárejeli "Aibyn" ordenimen: Baiǵaziev Nurbol Nazarbaiuly (marqum) - Ishki ister ministrliginiń Almaty qalasy politsiia departamentiniń Alataý aýdany politsiia basqarmasynyń janyndaǵy politsiia bóliminiń ýchaskelik inspektory.

Súleev Darhan Daýylbaiuly (marqum) - Ishki ister ministrliginiń Almaty qalasy politsiia departamentiniń Alataý aýdany politsiia basqarmasynyń janyndaǵy politsiia bóliminiń ýchaskelik inspektory;

"Erligi úshin" medalimen: Ábenov Murat Baqbergenuly (marqum) - Jeke sot oryndaýshylarynyń respýblikalyq palatasynyń múshesi, Almaty qalasy", - delingen qaýlyda.

Jarlyq qol qoiylǵan kúninen bastap qoldanysqa engiziledi.

Esterińizge sala keteiik, jantúrshigerlik oqiǵa 20 qyrkúiekte keshke bolǵan. Shamamen saǵat 17.20 shamasynda Aqbulaq móltekaýdanyndaǵy úi iesiniń biri ańshy myltyǵynan oq atqan. Kýágerlerdiń aitýynsha, atys bir minýt ishinde bolǵan.

Almatylyq atqysh bes adamdy óltirdi. Qaza bolǵandar arasynda eki politsiia qyzmetkeri, sot oryndaýshysy, sondai-aq úidiń jańa iesi men kýáger bar.

Keiin politseiler bes adamdy atyp óltirgen kúdiktini ustady. Ol - 1997 jyldan beri osy jerde turatyn 54 jastaǵy úidiń qazirgi iesi. Eger onyń kinási dáleldense, er adam 20 jylǵa nemese ómir boiyna deiin bas bostandyǵynan aiyrylýy múmkin.

Keiin úige qatysty daý nesie tólemegendikten týyndaǵany belgili boldy. Úi bankke kepilge alynǵan. Sodan soń úi bank menshigine ótip, odan keiin jeke adamǵa satylǵan. Jeke sot oryndaýshylar palatasy boryshkerge úidi bosatý keregin 2020 jyldan beri birneshe ret habarlanǵany aityldy.

Oqi otyryńyz