Memleket basshysy Qasym-Jomart Toqaev qazaqstandyqtardy Alǵys aitý kúnimen quttyqtady, - dep habarlaidy "Ult aqparat" Aqordanyń baspasóz qyzmetine silteme jasap.
"Qurmetti otandastar!
Sizderdi Alǵys aitý kúnimen shyn júrekten quttyqtaimyn!
Bul merekede ultymyzdyń salt-sanasynda berik qalyptasqan dostyq, qaiyrymdylyq jáne yntymaq syndy myzǵymas qundylyqtar keńinen dáripteledi.
Alǵys aitý kúni qiyn-qystaý zamandarda da meiirimdilik pen janashyrlyq tanyta bilgen ári birligin bekem etken halqymyzdyń izgi qasietterin jadymyzda jańǵyrtady.
Buryn-sońdy bolmaǵan jahandyq syn-qaterler jáne elimizdegi aýqymdy ózgerister kezeńinde árbir azamattyń el bolashaǵy úshin jaýapkershilik tanytýy jáne ózara qoldaý kórsetýi asa mańyzdy.
Búgingi meiramda adal eńbegi, jasampazdyǵy men otanshyldyǵy úshin barsha halqymyzǵa shynaiy rizashylyǵymdy bildiremin.
Biz elimizdiń aýyzbirshiligin saqtai bilsek, kez kelgen qiyndyqty eńseremiz. Ádiletti Qazaqstandy quryp, elimizdi odan ári órkendete beremiz dep senemin.
Barshańyzǵa zor densaýlyq, baq-bereke jáne tolaǵai tabys tileimin!", - dedi Prezident.
