Áleýmettik jelide toi ústinde anasyn ortaǵa shaqyryp, oǵan erekshe qurmet kórsetken jigittiń videosy kópshiliktiń nazaryn aýdardy, dep habarlaidy ult.kz.
Kadrdan kúieý jigittiń anasyn qushaqtap, kózine jas alǵanyn, keiin onyń aiaǵynan súigenin kórýge bolady. Bul sát jeli qoldanýshylarynyń qyzý talqysyna tústi.
Pikir qaldyrǵandardyń bir bóligi jigittiń anasyna degen qurmetine súisinse, endi biri ázilge buryp, «Brat, tochno úilenip jatsyń ba?», «Bul úilený toiy ma, álde analarǵa alǵys aitý keshi me?» dep jazǵan.
Sondai-aq jeli qoldanýshylary úilený toiyn ótkizbes buryn ata-anaǵa arnap jeke raqmet toiyn uiymdastyrý kerek degen pikirlerin de bildirdi.
