QR Premer-Ministriniń orynbasary Eraly Toǵjanov vaktsinatsiia qarqynyn keshiktirgen ákimderdiń orynbasarlaryna tártiptik shara qoldanýdy usyndy, dep habarlaidy QazAqparat.
«1 qyrkúiekten beri vaktsinalaý josparynyń eń tómengi oryndalýy 10-13 paiyz kóleminde Nur-Sultan qalasy men Mańǵystaý, Qostanai oblystarynda baiqalyp otyr. Vedomstvoaralyq komissiia otyrystarynda óńirlerge vaktsinatsiia qarqynyn jedeldetý týraly birneshe márte tapsyrma berilgen bolatyn. Biraq ol tapsyrma qajetti deńgeide oryndalyp jatqan joq», - degen Úkimet basshysynyń orynbasary ákimdikterdiń jaýapkershligin kúsheitetin naqty sharalardy usyndy.
«Osyǵan bailanysty óńir ákimderine vaktsinatsiiany uiymdastarý boiynsha Shyǵys Qazaqstan oblysynyń úlgisimen túbegeili sheshimder qabyldaý kerek dep esepteimiz. Vaktsinatsiia josparynyń oryndalmaǵany úshin ákimdik basshylarynyń jeke basymen jaýapty ekenin bekitý qajet. Eger vatsinalaý boiynsha oń dinamika baiqalmasa, osy salany úilestiretin ákimderdiń orynbasaralaryna tártiptik sipattaǵy shara qoldanǵan jón dep esepteimiz», - dedi Eraly Toǵjanov.
