Qyzylorda oblysyna jumys saparymen kelgen Qazaqstan Respýblikasy Premer-Ministriniń orynbasary Eraly Toǵjanov qaterli indetpen kúreste halyqtyń da jaýapkershiligi mol ekenine toqtaldy, dep habarlaidy "Ult aqparat".
Premer-Ministrdiń orynbasary epidemiologiialyq jaǵdaidyń turaqtalýyn qadaǵalaý úshin arnaiy issaparmen Qyzylorda oblysyna keldi
Oblys ákimdigi ǵimaratynda ótken májiliste Eraly Toǵjanov «SQ-Farmatsiia» basshysyna óńirdegi meditsinalyq mekemelerdi dári-dármektiń bir ailyq qorymen qamtamasyz etýdi erekshe tapsyrdy.
Sondai-aq, bir apta ishinde ókpeni jasandy jeldetý apparattary oblystaǵy emdeý mekemelerine qosymsha jetkiziletin boldy. Odan bólek, 26 shilde kúni oblys qosymsha 200 ottegi kontsentratorymen qamtamasyz etiledi. Ol oblys qajettiligin tolyqtai qamtidy.
Eraly Toǵjanov koronavirýs indetiniń odan ári taralmaýyna jáne epidemiologiialyq ahýaldyń jaqsarýyna dárigerlermen birge jergilikti halyqtyń da jaýapty ekenin aitty. Bul maqsatta sanitarlyq normalardy saqtaý óte mańyzdy.
«Oblystyń kei aýdandarynda toi men túrli jiyn ótkizý jaǵdaiy kezdesedi. Qaterli indetpen kúres baǵytynda dári-dármekpen qamtamasyz etýge mán berilip, qajetti meditsinalyq kómek jasalýda. Memleket tarapynan jasalǵan bul jumys oń nátijesin berip keledi. Alaida, indettiń taralmaýy - memlekettiń ǵana qolynda emes, bul iste halyqtyń da jaýapkershiligi úlken»,-dedi Premer-Ministriniń orynbasary.
Premer-Ministr orynbasary issapar aiasynda oblystyq jedel meditsinalyq kómek stansasy men oblystyq kópsalaly emhanadaǵy jaǵdaimen tanysty.
Sondai-aq, oblys ortalyǵyndaǵy birneshe dárihananyń dári-dármekpen qamtamasyz etý jaǵdaiyna nazar aýdardy.
