Búgin QR Premer-Ministriniń orynbasary Eraly Toǵjanovtyń tóraǵalyǵymen QR aýmaǵynda COVID-19 taralýyna jol bermeý jónindegi vedomstvoaralyq komissiia otyrysy ótti, dep habarlaidy "Ult aqparat" primeminister.kz-ke silteme jasap.
Bas memlekettik sanitariialyq dáriger E. Qiiasovtyń baiandamasyn tyńdaǵannan keiin vitse-premer qabyldanyp jatqan sharalar eldegi epidemiologiialyq jaǵdaidy turaqtandyrýǵa yqpal etetinin atap ótti. Búgingi kúni infektsiialyq tósekterdiń tolymdylyǵy 55%-dy, reanimatsiialyq tósekterdiń júktemesi 47%-dy quraidy.
Degenmen Toǵjanov birqatar óńirde, atap aitqanda Nur-Sultan, Shymkent qalalarynda, Mańǵystaý, Atyraý, Soltústik Qazaqstan oblystarynda halyqty vaktsinamen qamtý jumysynyń belsendiliginiń tómen ekenin atap ótti.
Sondai-aq Aqmola, Mańǵystaý, Atyraý jáne Qostanai oblystarynda turǵyn úi aýlalaryn aralaý arqyly halyq arasynda ekpe jumystarynyń uiymdastyrylmaǵanyn atap ótti.
Osyǵan bailanysty Premer-Ministrdiń orynbasary anyqtalǵan kemshilikterdi túzetý boiynsha tiisti sharalar qabyldaýdy tapsyrdy.
Sonymen qatar memlekettik organdarǵa kelesidei tapsyrmalar berildi:
2021-2022 jyldarǵa arnalǵan COVID-19-ǵa qarsy is-qimyl jónindegi jedel is-qimyl josparyn ázirleý;
qyzmet kórsetý salasynda vaktsina almaǵan qyzmetkerlerdi anyqtaý jónindegi monitoringtik toptardyń is-qimyl algoritmin bekitý.
