Premer-ministrdiń orynbasary Eraly Toǵjanov Qazaqstanda epidemiologiialyq ahýaldy baǵalaý matritsasyn ázirleý printsipi nege ózgertilgenin túsindirdi, - dep habarlaidy Tengrinews.kz.
"Osyndai jańa tásilder usynylady. Biz matritsany aýrý sanyna qarai baǵalaitynbyz. Búginde 90 paiyzy (aýrý jaǵdailary - esk.) jeńil túrde ótedi. Aýyrǵandardyń 85 paiyzy ekpe almaǵandar nemese ekpe alǵan kezden bastap 6 aidan asa ýaqyt ótken adamdar.
Osyǵan bailanysty densaýlyq saqtaý júiesine túsetin naqty júkteme maksimým 18 paiyz deńgeiinde. Iaǵni, densaýlyq saqtaý júiesine is júzinde naqty júkteme joq", - dedi Toǵjanov Úkimet otyrysynda jýrnalister suraǵyna jaýap berip.
Onyń aitýynsha, Densaýlyq saqtaý ministrligi matritsany aýrýlardyń sany boiynsha emes, densaýlyq saqtaý júiesine júkteme boiynsha qaita qaraý týraly naqty usynystar engizdi.
"Sondyqtan matritsa ózgerdi, meniń oiymsha, bul da adamdarǵa naqty rejimde jumys isteýge múmkindik beredi, ásirese qazir shaǵyn jáne orta biznes tolyǵymen iske qosylǵan, búginde týrizm damyp jatyr. Eń bastysy, búginde adam densaýlyǵyna naqty qaýip joq. Sondyqtan osyndai sheshim qabyldandy", - dep jaýap berdi Toǵjanov.
