Armeniiada TMD elderiniń Jastar isi jónindegi keńesi sheńberinde «TMD úshin 100 ideia» baiqaýynyń finaldyq kezeńi ótti, dep habarlaidy "Ult aqparat" Aqparat jáne qoǵamdyq damý ministrliginiń baspasóz qyzmetine silteme jasap.
Qazylar alqasynyń sheshimimen «TMD-ǵa arnalǵan 100 ideia» baiqaýynyń jeńimpazdary bolyp túrli baǵyttar men nominatsiialar boiynsha 12 joba tanyldy.
Aviatsiialyq, ǵaryshtyq jáne kólik júieleri nominatsiiasynda Kókshetaý joǵary tehnikalyq kolledjiniń 5 kýrs stýdenti Kair Álihan «Taza sýtegimen jumys isteitin qozǵaltqysh» jobasymen jeńimpaz atandy.
Jalpy, baiqaýda 11 jas qazaqstandyq 10 baǵyt boiynsha ózderiniń startap-jobalaryn usyndy.
Atap keteiik, QR Aqparat jáne qoǵamdyq damý ministrligi Qazaqstannyń atynan Ulttyq delegatsiiany jasaqtap, onyń quramyna innovatsiialyq ideialary bar talantty jastar kirgen bolatyn.
Baiqaýdyń finalynda Resei, Armeniia, Belarýs, Qyrǵyzstan, Ózbekstan jáne Tájikstannyń jobalary usynyldy. Barlyq TMD elderinen barlyǵy 50 ótinim berildi.
Aita keteiik, «TMD úshin 100 ideia» jobasy 2014 jyldan bastap eki jylda bir ret kezeń-kezeńimen júzege asyrylady, eki kezeńnen turady: Ulttyq (irikteý) jáne halyqaralyq (final). Jobaǵa TMD – ǵa qatysýshy memleketterdiń avtorlyq jobalaryn usynǵan 14-35 jas aralyǵyndaǵy jastar qatysa alady.
