«Otbasy bank» AQ basqarma tóraǵasy Lázzat Ibragimova tis emdeý úshin zeinetaqy jinaǵyn merziminen buryn alý jóninde pikir bildirdi, dep habarlaidy QazAqparat.
Spikerdiń aitýynsha, tis emdeýge arnalǵan qujattar paketinde klinikamen kelisimshart jáne tólem shoty bar.
«Kórsetiletin qyzmetter ishinde eń qymbat protsedýra – implantatsiia da bar. Shyn máninde, protezdeýdi, shveitsariialyq nemese izraildik implanttyń bolýyn jáne 17-18 implant bolatynyn eskersek, 17 mln teńgege berilgen chek te shynaiy bola alady. Biz tis pen jańa implantattardyń sanyn teksere almaimyz. Sondyqtan tis emdeýdi ózi úshin mańyzdy dep sanaǵan salymshyǵa senim artamyz. Men de bul bastamany qoldaimyn. Óitkeni tis – asqazan-ishek jolyna, kóńil-kúige, onyń ishinde syrtqy pishinge áser etetin óte mańyzdy faktor. Sondyqtan adamdar tólem shotyn alyp kelip, bizge alǵys aityp jatyr. Biz de bári zańdy jolmen jasalyp jatqanyn kórip otyrmyz», - dedi Lázzat Ibragimova ortalyq kommýnikatsiialar qyzmetinde ótken baspasóz máslihatynda.
