Foto: QR TJM baspasóz qyzmeti
Batys Qazaqstan oblysynda tikushaqtyń qatty qonýy saldarynan zardap shekkenderdiń jaǵdaiy qalypty, - dep habarlaidy "Ult aqparat" BQO Densaýlyq saqtaý basqarmasyna silteme jasap.
Vedomstvo málimetinshe, zardap shekken er adamdar 1961 jáne 1987 jyly týǵan.
"Ekeýine de jabyq bassúiek-mi jaraqaty, miynyń shaiqalýy, qabyrǵa asty aimaǵynyń kógergen jaraqaty diagnozy qoiyldy. Olar Oral qalalyq kópsalaly aýrýhanasynyń neirohirýrgiia bólimine jatqyzyldy. Jaǵdailary birqalypty", - dedi baspasóz qyzmeti ókilderi.
Aita keteiik, 23 aqpanda saǵat 15:50-de Batys Qazaqstan oblysy Báiterek aýdany Chapýrino eldimekeninen 6 shaqyrym jerde "Qazaviaqutqarý" AQ-tyń 2021 jyly shyǵarylǵan Mi-8 AMT tikushaǵy jerge qatty ekpinmen qonǵan. Bortta 6 adam - 5 ekipaj múshesi jáne «QazTransOil» AQ-nyń 1 ókili bolǵan. Oqiǵa saldarynan 4 adam qaza taýyp, 2 adam zardap shekti.
MI-8 AMT Atyraý - Oral - Atyraý baǵytymen "Qaztransoil" AQ tapsyrysy boiynsha munai qubyryn teksergen.
