Búgin Aqparat jáne qoǵamdyq damý ministri Aida Balaevanyń "Groupe M6" kompaniiasynyń telearnalar men radiostantsiialar portfelin halyqaralyq distribýtsiialaý jónindegi direktory Jan-Rene Okýtiýremen jáne Halyqaralyq distribýtsiia jónindegi direktory, "Lti Vostok" bas direktory Mariia Jabina-Pantelikpen jemisti kezdesýi ótti, dep habarlaidy "Ult aqparat" ministrliktiń baspasóz qyzmetine silteme jasap.
Taraptar balalardyń tanymal mýltiplikatsiialyq arnalaryn, atap aitqanda, "TiJi" telearnasyn qazaq tiline aýdarý boiynsha yntymaqtastyqtyń damytý perspektivalaryn talqylady. Bul memlekettik tildegi balalar kontentin arttyrýdaǵy mańyzdy qadam bolmaq.
"Qazirgi aqparattyq ǵasyrda mýltfilmderdiń balaǵa áseri erekshe. Bul baǵytta elimizde úlken jumystar atqarylýda.
Osy saladaǵy jarqyn jobalardyń biri balalar tutynatyn memlekettik tildegi kontentti ulǵaitý maqsatynda tanymal balalar arnalarynyń mýltiplikatsiiasyn qazaq tiline aýdarý bolyp tabylady. Sizdiń arnańyzdyń osyndai jobalardy iske asyrýdaǵy tájiribesin jáne habar taratýdaǵy tilderiniń molshylyǵyn nazarǵa ala otyryp, bizdiń usynysymyzdy qabyldaǵanyńyzǵa qýanyshymdy bildiremin", — dep atap ótti ministr Balaeva.
Kezdesýge qatysýshylar ózara tiimdi qarym-qatynastardy nyǵaitý jáne odan ári jolǵa qoiý týraly nietterin rastai otyryp, jan-jaqty yntymaqtastyqqa jáne birlesken jobalardy iske asyrýǵa daiyn ekendikterin bildirdi.
