Britaniianyń The Economist jýrnaly Ózbekstandy Jyl eli dep atady. Basylym Ózbekstannyń áli uzaqqa baratynyn, sondai-aq 2019 jyly bir de bir el dál osylai naqty qadam jasamaǵanyn atap ótti, dep habarlaidy "Ult aqparat".
Árbir jeltoqsan aiynda jýrnal jyl boiy ilgerilegen memleketke «Jyl eli» ataǵyn beredi. Ótken jyldyń jeńimpazy Armeniia bolǵan edi.
Maqalada nebári úsh jyl buryn Óbekstannyń jabyq qoǵamdy, postkeńestik eski el bolǵany aitylady.
Shavkat Mirziioevtiń kelýimen is alǵa basty. 2018 jyly qaýipsizdik qyzmetiniń basshysy otstavkaǵa jiberildi. Mirziioev reformalardy bastady, sonyń arqasynda negizinen alǵanda májbúrli jumystar toqtatyldy. Sheteldik jýrnalisterdiń elge kirýine ruqsat etildi, al sheneýnikterge shaǵyn bizneske «tiisýge» tyiym salyndy.
Basylym Ózbekstannyń jańa jylǵa deiin parlament sailaýyn ótkizýi tiistigin eske salady.
Sondai-aq, The Economist Soltústik Makedoniia men Sýdannyń jetistikterin de atap ótken. Atalǵan elderdiń alǵashqysy aqpan aiynda óziniń ataýyn ózgertti, osylaisha óziniń jaqyn kórshisi Grekiiamen qarym-qatynasyn jaqsartty. Sonymen qatar, Soltústik Makedoniia NATO-ǵa kirý protsesine daiyndyq ústinde. Sýdan óz kezeginde Omar ál-Bashir rejiminen qutyldy.
