1950 jyldan beri Frantsiia katolik shirkeýinde 3 myń pedofil qyzmet atqarǵan. Bul týraly AFP aqparat agenttigine isti tergegen táýelsiz komissiianyń basshysy aitty. Tergeýdiń qorytyndy esebi áli jariialanbaǵan, dep habarlaidy Azattyq.
Komissiianyń tergeýi shirkeý qyzmetkerleri arasynan 2,9-3,2 myń pedofildy anyqtady dedi komissiia jetekshisi Jan Mark Saýv. Onyń sózinshe, bul – eń kem degendegi kórsetkish.
Komissiia esebi seisenbi, 5 qazan kúni jariialanbaq. Eki jarym jylǵa ulasqan zertteý shirkeý, sot jáne politsiia arhivterine jáne kýágerlerdiń aiǵaqtaryna súiengen.
Saývtyń sózinshe, 2,5 myń betten turatyn qorytyndy esepte pedofildar men olardan zardap shekkenderdiń sanyn anyqtaý áreket sipattalǵan.
Esepte pedofildardy shirkeýdi ustap qalýdyń "mehanizmderi" de baiandalǵan.
Táýelsiz komissiiany 2018 jyly Frantsiia episkoptarynyń konferentsiiasy qurǵan. Oǵan Frantsiia shirkeýindegi birqatar daý túrtki bolǵan.
Komissiia qurylardyń aldynda Rim papasy Frantsisk katolik shirkeýindegi seksýaldyq zorlyqtan habary barlardy ózinen joǵary laýazym ielerine baiandaýdy mindettegen.
22 adamnan turatyn komissiia 1950 jyldan bergi oqiǵalardy tergegen. Komissiia quramyna zańgerler, dárigerler, tarihshylar, áleýmettanýshylar jáne teologtar kirgen.
Komissiia jumysqa kiriserde maqsat-mindetin baiandap, bala kezinde shirkeý qyzmetkerleri tarapynan seksýaldyq zorlyqqa dýshar bolǵan azamattardy aiǵaq berýge shaqyrǵan. Bul úshin arnaiy telefon bailanysy ornatylǵan. Osydan keiin myńdaǵan habarlama túskeni aityldy.
Zertteý esebi Frantsiia episkoptarynyń konferentsiiasyna joldanyp, 5 qazan kúni baspasóz máslihatynda jariialanady. Oǵan seksýaldyq zorlyq-zombylyq qurbandarynyń qaýymdastyqtary shaqyrylǵan.
