Pavlodarda jeke úige tereze arqyly kirip, zergerlik buiymdar men ózge de múlikti urlaǵan kúdikti ustaldy, dep habarlaidy ult.kz.
Politsiia málimetinshe, urlyq Jetekshi kentindegi úilerdiń birinde bolǵan. Aldyn ala boljam boiynsha, kúdikti terezeni kúshpen ashyp, úige kirgen. Keiin ishten zergerlik buiymdar men turǵyndardyń múlkin alyp ketken.
Qalalyq politsiia basqarmasy qyzmetkerleri jedel-izdestirý sharalaryn júrgizip, kúdiktiniń jeke basyn anyqtaǵan. Er adam ustalyp, ýaqytsha ustaý izoliatoryna qamaldy.
— Qazir tergeý amaldary júrgizilip, oqiǵanyń barlyq mán-jaiy anyqtalýda. Sonymen qatar ustalǵan adamnyń osyǵan uqsas basqa qylmystarǵa qatystylyǵy tekserilip jatyr, — dedi Pavlodar qalasy politsiia basqarmasynyń bastyǵy Balǵabai Qaparov.
Politsiia turǵyndarǵa úidiń qaýipsizdigine mán berip, esik-terezelerdiń beriktigin tekserýdi jáne baǵaly zattardy qaraýsyz qaldyrmaýdy eskertti.
