Atyraýda aralas jekpe-jek sheberi Qýat Hamitov jol erejesin buzǵany úshin ákimshilik jaýapkershilikke tartyldy. Áleýmettik jelide taraǵan videoda qyzdyń Toyota Camry kóliginiń terezesinen denesin shyǵaryp, faitermen sóilesip turǵany anyq kórinedi, dep habarlaidy ult.kz.
Sondai-aq kadrdan Qýat Hamitovtyń Mustang kóligin qaýipsizdik beldigin taqpai basqarǵany baiqalǵan. Video 23 mamyrda ótetin Batyr Fighting Championship týrniri aldynda túsirilgen. Bul keshte qazaqstandyq faiter irandyq Ali Heibatige qarsy jekpe-jek ótkizedi.
Atyraý oblysynyń Politsiia departamenti jol qozǵalysy erejesin buzǵan azamattarǵa qatysty shara qabyldanǵanyn málimdedi. Vedomstvonyń habarlaýynsha, Toyota Camry kóligindegi 24 jáne 22 jastaǵy jolaýshylar qozǵalys kezinde qaýipsizdik beldigin taqpaǵan ári kólik salonynan denesin shyǵarǵan. Osy quqyq buzýshylyqtarǵa jol bergen 20 jastaǵy júrgizýshi de jaýapqa tartylǵan.
Al Mustang tizginindegi 38 jastaǵy Qýat Hamitov qaýipsizdik beldigin taqpai kólik basqarǵany úshin ákimshilik jaýapkershilikke tartyldy.
