Qazaqstandyq Iýliia Pýtintseva áielder tennis qaýymdastyǵynyń (WTA) jańartylǵan reitingisinde úzdik otyzdyqqa kirdi, dep habarlaidy "Ult aqparat".
Biylǵy US Open týrniriniń shirek finalyna deiin jetken Iu.Pýtintseva 35-ten 30-orynǵa kóterildi.
Qazaqstandyq tennisshi óziniń úzdik kórsetkishine (27) úsh-aq saty jetpei tur.
Qazaqstannyń birinshi raketkasy Elena Rybakina 17-den 18-ge, al Zarina Diias 69-dan 72-satyǵa syrǵydy.
Dúniejúzilik reitingte burynǵysha aýstraliialyq Eshli Barti kósh bastasa, rýmyniialyq Simona Halep ekinshi orynda keledi. US Open týrniriniń chempiony, japoniialyq Naomi Osaka úzdik úshtikti túiindep tur.
Juptyq synda Galina Voskoboeva 62-den 67-ge, Anna Danilina 126-dan 127-ge, Iu.Pýtintseva 172-den 177-ge tómendedi.
E.Rybakina men Iu.Pýtintseva búgin bastalatyn Rim týrnirinde sátti óner kórsetse, reitingidegi ornyn jaqsarta alady. E.Rybakina alǵashqy básekesinde álemniń 31-raketkasy, reseilik Ekaterina Aleksandrovamen, Iu.Pýtintseva reitingte 49-satydaǵy shvetsiialyq Rebekka Petersonmen kortqa shyǵady.
