Qazaqstannyń birinshi, álemniń 18-raketkasy Elena Rybakina Strasbýrg WTA týrniriniń shirek finalyna shyqty, dep habarlaidy "Ult aqparat".
E.Rybakina ekinshi ainalymda álemniń 52-raketkasy, frantsiialyq Alize Kornemen sheberlik baiqasty.
Qazaqstandyq tennisshi 21-de bolsa, tájiribeli qarsylasy 30-da edi. A.Korne biylǵy US Open týrnirinde sátti óner kórsetip, tórtinshi ainalymyna deiin jetken bolatyn.
Birinshi partiiada esep 3:2 bolǵan mezette E.Rybakina breik jasap, sol basymdylyǵyn saqtai aldy – 6:3.
Ekinshi sette qazaqstandyq sportshy birden breikpen alǵa shyqty – 1:0. Degenmen esep 5:4 bolyp, Elena matchqa dop bergende, birneshe múmkindigin paidalana almai, esesine qarsylasy breik jasap ketti – 5:5. Tai-breikte aldymen A.Korne alǵa ketkenimen, qazaqstandyq sportshy aqyry kezekti matchbolyn qur jibergen joq – 7:6 (10:8).
Kezdesý barysynda kort iesin kórermender de jigerlendirip otyrdy. Soǵan qaramastan, Elena sheberligi basym ekenin moiyndata bildi.
Birshama tartysty ótken báseke 1 saǵat 49 minýtqa sozyldy.
E.Rybakina júlde qory 225,5 myń eýroǵa baǵalanǵan jarystyń jartylai finalyna shyǵý úshin álemniń 40-raketkasy, qytailyq Chjan Shýai nemese reitingte 415-satydaǵy kort iesi Klara Biýreldiń bireýimen talasady.
Biyl Tsintsinnati dodasynda Ch.Shýaidy taǵy bir qazaqstandyq tennisshi Iýliia Pýtintseva utqan bolatyn.
