Qazaqstannyń birinshi, álemniń 25-raketkasy Elena Rybakina Sankt-Peterbýrg WTA týrgiriniń finalyna shyqty, dep habarlaidy "Ult aqparat".
E.Rybakina jartylai finalda álemniń 21-raketkasy, grekiialyq Mariia Sakkarimen kezdesti.
Birinshi partiiada grekiialyq sportshy 6:3 esebimen basym tússe, ekinshisinde Elena ese qaiyrdy - 7:5.
Úshinshi, sheshýshi sette qazaqstandyq tennisshi bet qaratqan joq - 6:1.
Báseke 1 saǵat 55 minýtqa sozyldy.
E.Rybakina finalda álemniń 8-raketkasy, niderlandylyq Kiki Bertens nemese reitingte 28-satyda turǵan reseilik Ekaterina Aleksandrovanyń bireýimen bas júldeni sarapqa salady.
Aldaǵy dúisenbide jańartylatyn reitingte E.Rybakina qazaqstandyq qyzdar arasynda alǵash ret úzdik 20 tennisshiniń qataryna kiredi.
