QR Ulttyq banki tóraǵasynyń orynbasary Áliia Moldabekova ishki valiýta naryǵy jáne álemdik qarjylyq ahýal týraly aitty, dep habarlaidy QazAqparat.
Áliia Moldabekova aitýynsha, tamyzdyń kei kúnderi teńge baǵamynyń nyǵaiǵan jáne álsirep ketken kezderi bolǵan. Bul maýsymdyq ózgeris salyq naýqanyndaǵy sheteldik valiýta usynysynyń artýymen bailanysty.
«Salyq aptasynyń» effektisi munai baǵasy túsip ketken naýryz aiynan beri birinshi ret baiqaldy. Dástúrli túrde tamyzda adamdardyń kópshiligi demalysqa baratyn bolǵan soń suranys artady. Biraq pandemiiaǵa bailanysty biyl ol suranys bolmady. Kepildendirilgen transfertti qamtamasyz etý maqsatynda tamyzda Bank Ulttyq qordan 681 mln AQSh dollary kóleminde valiýtany satylymǵa shyǵardy. Konvertatsiia kólemi aldyńǵy ailarmen salystyrǵanda anaǵurlym tómen bolǵandyqtan valiýta naryǵyndaǵy teńsizdikke ákelmedi», - dedi Ulttyq bank ókili.
Onyń aitýynsha, teńge baǵamynyń túsýi munai baǵasynyń tómendeýimen tikelei bailanysty bolyp otyr.
Qyrkúiekten bastap munai baǵasynyń tómendeýi damýshy, shikizattyq elderdiń ekonomikasyna keri áserin tigizdi.
15 maýsymnan beri birinshi ret munai baǵasy 40 dollardan túsip ketti. 8 qyrkúiekte $39,4-ke jetti. Birja saýdasy nátijesinde teńge 9 qyrkúiekte 426,50 teńgege deiin tómendedi. Alaida sol kúni keshke munai kotirovkasy qaita qalpyna keldi», - dedi Áliia Moldabekova.
Munai baǵasynyń tómendeýine eń aldymen investorlardyń kúmáni yqpal etip jatyr. Sebebi olar kómirsýtekke suranys artatynyna kúmánmen qarap otyr.
Álemdik lokdaýnnyń bosańsýynan soń álemde munaidy tutyný aqyryndap qalpyna kelýde.
