Sarapshylar ulttyq valiýta álsiregennen keiin qazaqstandyq jyljymaityn múlik naryǵynda qandai ózgerister bolatynyn boljady, - dep habarlaidy kaz.tengrinews.kz tilshisi.
Homsters.kz qazaqstandyq ókildiginiń jetekshisi Olesia Melnikovanyń aitýynsha, shildede jańa emes baspanalar naryǵy turaqsyz boldy. "Aidyń basynda shaǵyn páterlerdiń qymbattaýy baiqaldy. Alǵashqy eki aptada jańa emes baspanalar naryǵynda 1 jáne 2 bólmeli páterler 3-4 paiyzǵa qymbattap, úsh bólmeli páterlerdiń saýdasy toqtap qaldy, al tórt bólmeli páterlerdiń quny túse bastady", - deidi sarapshy. Aitýynsha, bul tendentsiia uzaqqa sozylmady. Onyń málimetinshe, úshinshi aptadan bastap baǵa aidyń basyndaǵy deńgeige qaita tústi, alaida teńge baǵamynyń dinamikasynyń áserinen qaita joǵarylai bastady.
Melnikovanyń aitýynsha, 1 nemese 2 bólmeli páterlerdiń qymbattaýy daǵdarystan keiingi naryqqa tán qubylys. Bul kezde satyp alýshylar óziniń qarjy áleýetin durys baǵamdap, qaltasy kóteretin baspanany tańdaidy. Bul birinshi kezekte bank ipotekalarynyń qoljetimsiz ekendigimen túsindiriledi. Al buǵan deiin jetpei jatqan qarajatty bank arqyly tóleýge múmkindik bolǵan.
"Jalpy alǵanda bir aida Almaty men Astanadaǵy jańa emes úiler naryǵynda ortasha baǵa shamamen 1,5-2 paiyzǵa ósken. Buǵan negizgi sebep - teńge baǵamynyń ai sońyna taman dollarǵa qatynasynda 346-350 teńgege álsireýi. Bizdiń pikirimizshe, jańa emes úiler naryǵyndaǵy baǵa men baǵamnyń ózgerýi satýshylardyń basym bóliginiń óz nysandaryna burynǵydai shartty túrde baǵa belgilep alǵanyn taǵy bir márte dáleldep otyr", - dep atap ótti maman.
Tamyz aiyna boljam jasaǵan ol jańa emes baspanalardyń baǵasynyń teńge baǵamynyń dinamikasyna bailanysty bolatynyn aitty. Teńge baǵamynyń turaqtylyǵy saqtalǵan jaǵdaida baǵa tómendetilme trendke oralyp, bir aida 1 paiyzǵa deiin joǵaltýy múmkin. Alaida, onyń pikirinshe, ulttyq valiýta quldyraǵan jaǵdaida jańa emes baspana ieleriniń sharshy metr baǵasyn tepe-teń kóteredi de, baǵa qaitadan joǵarylaidy.
Biraq ol teńge baǵamynyń dinamikasy men jańa emes baspanalar naryǵyndaǵy baǵanyń jańa úilerdiń naryǵyna aitarlyqtai áserin tigizbeidi degen senimde. "Sózsiz, bul boljam teńge baǵamynyń aitarlyqtai ózgeriske túsýine qatysty emes. Developerler áli de naryqtyń kúzde belsendi bolady dep kútip otyr, al ázirshe satyp alýshylarǵa jeńildikter men aktsiialaryn usynyp, belsendi túrde saýda júrgizip jatyr", - dedi Melnikova.
Al Qazaqstan jyljymaityn múlik federatsiiasynyń prezidenti Ermek Músirepov tamyzdan bastap qarashaǵa deiin jyljymaityn múlik baǵasynyń tómendeitinine senimdi. "Qazir qunnyń teńgemen tirkelýi tiis ekeni týraly naqty túsinik ba. Búginde teńgeniń quny túsip jatyr, soǵan qaraǵanda kúzde baǵa 10-15 paiyzǵa túsedi, al keibir nysandar tipti 20 paiyzǵa deiin túsedi", - dedi maman. Onyń aitýynsha, tóleý qabiletiniń suranysynyń noldik deńgeide eken.
