«ArseloMitall Temirtaý» JEO-2 jumysyn birneshe memlekettik organ tekseredi. Bul týraly Qaraǵandy oblysynyń ákimi Jeńis Qasymbek Temirtaýdaǵy jaǵdai boiynsha ótken keńeste málim etti, dep habarlaidy "Ult aqparat".
Belgili bolǵandai, qalada úsh qazandyqta apattyq toqtaý oryn alǵan. Osyǵan bailanysty páterlerdegi temperatýra normadan tómendep ketken.
«Shynynda da, keshe jáne búgin Temirtaýda jylýǵa qatysty jaǵdai qiyn boldy.
Turǵyndarǵa shydamdylyǵy úshin alǵys aitamyz. «AMT« jáne JEO basshylyǵy mundai oqiǵaǵa jol berdi. Qalaǵa oblys prokýratýrasy, ónerkásiptik qaýipsizdik, energobaqylaýdan tekseris jiberiledi», - dep habarlady Jeńis Qasymbek.
Sondai-aq, oblys basshysy JEO-da jańa 7-shi qazandyqtyń qurylysyn aiaqtaýdy jedeldetýdi qatań talap etti.
«Biz 7-shi qazandyq jobasynyń aiaqtalýyn talap etemiz. Jaǵdai kórsetkendei, merzimdi odan ári sozý múmkin emes. Joba bastalyp ketti. Karantinge bailanysty «AMT« ony júzege asyrýdy keshiktirýdiń ártúrli sebepterin aitty. Ári qarai sozbaqtaýǵa bolmaidy. Biylǵy jyly jobany aiaqtaýdy barynsha jedeldetý qajet. Qala jobanyń támamdalýyn úshinshi jyl kútýde. Bul birinshi kezekte sheshilýi tiis másele», - dedi Jeńis Qasymbek.
«Men barlyq tekserýshi organdarmen yntymaqtasatyn bolamyn. Oqiǵanyń sebepterin anyqtaý qajet. Biz jaýaptymyz jáne sheshim izdeimiz. Siz sondai-aq JEO-da personaldyń bolýy jáne uiymdyq qurylym týraly aittyńyz. Biz bul másele boiynsha jumys istep jatyrmyz. Bolashaqta bul qaitalanbaýy kerek ekenin túsinemin. Biz jaqsy jumys isteýimiz kerek ekenine tolyq kelisemin, bizge qala turǵyndary aldynda jaýapkershilik júktelgen», - dep málimdedi «ArselorMittal Temirtaý» AQ Bas direktory Bidjý Nair.
Osy kúnniń sońyna deiin temirtaýlyqtardyń páterlerindegi temperatýrany qalypqa keltirýge ýáde berildi.
