Foto: Pexels.com
Temirtaýda 67 jastaǵy zeinetkerdi aiaýsyz soqqyǵa jyqqan jasóspirimderdiń biri video arqyly keshirim surady. Alaida bul áreketi onyń ózine qarsy kúsh qoldanýmen aiaqtaldy, dep habarlaidy Ult.kz.
Naýryz aiynyń sońynda bir top jasóspirim syrqat qariianyń esigin qaǵyp, ózderin elektr jóndeýshi retinde tanystyrǵan. Úi iesi esikti ashqan boida olar úige basa-kóktep kirip, zeinetkerdi uryp-soǵyp, balaǵattaǵan. Bul oqiǵa áleýmettik jelide tarap, qoǵamda úlken rezonans týǵyzdy.
Keiinnen jasóspirimder ózderi de shabýylǵa ushyrady – eki jas jigit olardy jazalamaq bolyp, soqqyǵa jyqqan. Qazir politsiia atalǵan oqiǵaǵa qatysy bar barlyq tulǵanyń jaýapkershiligin anyqtaýda.
Quqyq qorǵaý organdary azamattardy zańsyz áreketterden saqtanýǵa jáne óz betinshe jaza qoldanbaýǵa shaqyrdy.
Aita keteiik, osy oqiǵadan keiin qala ákiminiń orynbasary jazalandy.
