© Sputnik / Ertai Sarbasov
Temirtaýda mas júrgizýshi politseidi 200 metrge súirep áketti. Er adam 7 jylǵa kólik júrgizý quqyǵynan aiyryldy, - dep habarlaidy Polisia.kz.
Oqiǵa 11 aqpan túngi saǵat 00.35 shamasynda bolǵan. Temirtaý qalalyq politsiia basqarmasy patrýldik politsiia batalonynyń qyzmetkerleri Beibitshilik dańǵylynyń boiynda avtokólikti toqtatqan. 31 jastaǵy er adamnyń júrgizýshi kýáligi bolmaǵan.
"Áńgime barysynda tártip saqshylary ishimdik iisin sezip, júrgizýshiden kólikten túsýin talap etedi. Alaida sol mezette júrgizýshi kóliktiń esigin jappai, oqiǵa ornynan qashpaqshy bolǵan. Politsei kólik salonyna minip úlgergen, biraq aiaǵy syrtta qalyp qoiǵan. Júrgizýshi ony 200 metrge súirep áketip, toqtaǵan", - delingen habarlamada.
Politsiia qyzmetkerleri er adamdy narkologiia ortalyǵyna jetkizdi. Ol ortasha dárejede mas bolǵany anyqtaldy.
Júrgizýshige qatysty Ákimshilik quqyqbuzýshylyq týraly kodekstiń 608, 613 jáne 667-babyna sáikes hattamalar toltyryldy.
Sot sheshimimen 31 jastaǵy azamat quqyq buzǵany úshin 30 táýlikke ákimshilik qamaýǵa alynyp, 7 jylǵa júrgizýshi quqyǵynan aiyryldy.
