73 jasynda QR týrizm jáne sport eks-ministri, Astananyń eks-ákimi, QR Ulttyq Olimpiada komitetiniń eks-prezidenti Temirhan Myńaidaruly Dosmuhambetov qaitys boldy. Qaiǵyly habardy Akkreditteý jáne reitingtiń táýelsiz agenttigi (ARTA) jariialady, - dep habarlaidy "Ult aqparat".
"Akkreditteý jáne reitingtiń táýelsiz agenttigi ujymy Akkreditteý jáne reitingtiń táýelsiz agenttiginiń baqylaý keńesiniń tóraǵasy Temirhan Myńaidaruly Dosmuhambetovtiń mezgilsiz qaitys bolýyna bailanysty qaiǵyryp kóńil aitady", - delingen Facebook-tegi habarlamada.
Temirhan Myńaidaruly Dosmuhambetov 1949 jyly 8 naýryzda Qostanai oblysynda týǵan.
1972 jyly Qazaq memlekettik deneshynyqtyrý institýtyn, al 1995 jyly Ál-Farabi atyndaǵy Qazaq memlekettik ulttyq ýniversitetin bitirgen. Pedagogika ǵylymdarynyń kandidaty. Professor.
Institýtty bitirgennen keiin Keńes Armiiasy qatarynda áskeri qyzmet ótkerdi.
1973-1985 j.j. Kirov atyndaǵy Qazaq memlekettik ýniversitetiniń deneshynyqtyrý jáne sport kafedrasy ǴZJ tehnikalyq bóliminiń oqytýshysy, assistenti, aǵa oqytýshysy, bólim meńgerýshisi bolyp jumys istedi.
1985-1991 j.j. - "Eńbek rezervteri" BESQ Qazaq respýblikalyq keńesi tóraǵasynyń orynbasary, tóraǵasy.
1991-1996 j.j. - "Iassaýi" Týrizm jónindegi memlekettik aktsionerlik kompaniiasynyń prezidenti.
1996-1997 j.j. - Qazaqstan Respýblikasynyń jastar isi, týrizm jáne sport ministri.
1997-1998 j.j. - Qazaqstan Respýblikasy Bilim, mádeniet jáne densaýlyq saqtaý ministrliginiń Týrizm jáne sport jónindegi komitetiniń tóraǵasy.
1998-2003 j.j. - Qazaqstan Respýblikasy Prezidentiniń Is basqarýshysy.
2003-2004 j.j. - Astana qalasynyń ákimi.
2004-2006 j.j. - Qazaqstan Respýblikasy Prezidentiniń Is basqarýshysy.
2006-2011 j.j. - Qazaqstan Respýblikasynyń Sport jáne týrizm ministri.
2012 jylǵy qańtardan bastap - besinshi sailanǵan Qazaqstan Respýblikasy Parlamenti Májilisiniń depýtaty. "Nur-Otan" Halyqtyq demokratiialyq partiiasynyń múshesi, partiialyq tizim boiynsha sailanǵan. Halyqaralyq ister, qorǵanys jáne qaýipsizdik komitetiniń múshesi.
Qosymsha laýazymdary:
Qazaqstan Respýblikasy Ulttyq olimpiada komitetiniń prezidenti;
Dúniejúzilik týristik uiymnyń vitse-prezidenti;
Aziiada Olimpiada komitetiniń vitse-prezidenti;
Qazaqstan Respýblikasy Sý sporty túrleri jónindegi federatsiiasynyń prezidenti;
XII sailanǵan Qazaqstan Respýblikasy Joǵarǵy keńesiniń halyq depýtaty.
"Qazaqstan Respýblikasynyń Tuńǵysh Prezidenti Nursultan Nazarbaev", II dárejeli "Barys" ordenderimen, Resei Federatsiiasynyń "Halyqtar dostyǵy" ordenimen marapattalǵan.
"KSRO-nyń eńbek sińirgen jattyqtyrýshysy", "Qazaq KSR-iniń eńbek sińirgen jattyqtyrýshysy", "Qazaqstannyń eńbek sińirgen qairatkeri" qurmetti ataqtaryn alǵan.
Úilengen, eki balasy jáne úsh nemeresi bar.
