Telearnalar balalarǵa arnalǵan kontentke kem degende eki saǵat efir ýaqytyn bólýi kerek. Mundai usynysty Qazaqstan halqy Assambleiasynyń keńeitilgen otyrysynda «Balapan» telearnasynyń bas prodiýseri Sandýǵash Kenjebaeva jasady, dep habarlaidy QazAqparat.
«Balapan» - jańa týǵan sábiden bastap 8 jasqa deiingi balalarǵa arnalǵan telearna. Balanyń sanasy tal besikten mektep tabaldyryǵyn attaǵanǵa deiin qalyptasady. Sondyqtan «Balapan»-nyń bala tárbiesindegi orny orasan. Degenmen bir arna barlyq balany qamtýy múmkin emes. Osyǵan orai meniń birneshe usynysym bar. Birinshiden, búkil álem tól tarihyn animatsiia arqyly tanytyp otyr. Bul - týrizmdi damytýdyń da alǵysharttarynyń biri. Biz, Assambleianyń Analar keńesimen birlesip áleýmettik tanymdyq rolikter túsirip, halqymyzdyń tarihyn, mádenietin tanytatyn animatsiialyq jobalar jasaýdy josparlap otyrmyz. Búginde bizdiń arna efiriniń 80 paiyzyn animatsiialyq ónim toltyryp otyr. Onyń 30 paiyzy ǵana - tól ónim, qalǵan 50 paiyzyn sheteldik mýlthikaialarmen toltyrýǵa májbúrmiz», - dedi ol.
Osy oraida telearnanyń bas prodiýseri el Prezidentinen «Balapan»-nyń animatsiialyq jobalar óndirisin arttyrýǵa yqpal etýdi ótindi.
«Ekinshiden, Qazaqstanda 9-dan 18 jasqa deiingi balalar kóretin arna joq. Iaǵni, jasóspirimderdiń tanymyn qalyptastyratyn senimdi platforma joq deýge bolady. Sondyqtan, memlekettik tapsyryspen jumys isteitin telearnalar balalarǵa arnalǵan kontentke kem degende eki saǵat efir ýaqytyn bólýdi suraimyz»,- dedi Sandýǵash Kenjebaeva.
