Tájikstan elshisi batyr shekarashynyń anasyna «Spitamen» ordenin tabys etti.
Bul jaiynda Ulttyq qaýipsizdik komitetiniń shekara qyzmeti málimet taratty, dep jazady QazAqparat.
Búgin Tájikstan Respýblikasynyń Qazaqstandaǵy Tótenshe jáne Ókiletti Elshisi Ibodzoda Hairýllo erlikpen qaza tapqan shekarashy Radjan Batyrqanovtyń anasy – Qizat Jylqybaqqyzy Batyrqanovaǵa 1-dárejeli «Spitamen» ordenin tabys etti.
Eske sala keteiik, buǵan deiin Tájikstan Respýblikasynyń Prezidenti Emomali Rahmon qazaqstandyq shekarashyny nagradtaǵan bolatyn.
Tájikstan Respýblikasy Prezidentiniń 2021 jylǵy 30 qyrkúiektegi № 252 Jarlyǵymen Respýblika Táýelsizdiginiń 30 jyldyǵyna jáne qyzmettik boryshyn oryndaý kezinde tanytqan erligi men janqiiarlyǵy úshin kishi serjant Radjan Armiiauly Batyrqanov 1-shi dárejeli «Spitamen» ordenimen nagradtaldy (qaitys bolǵannan keiin).
Tájikstan halqy 1993-2001 jyldar aralyǵynda tájik-aýǵan shekarasynda áskeri boryshyn ótegen jeke qurama atqyshtar batalonynyń áskeri qyzmetshileri kórsetken erligin eske alyp, qurmet tutady.
Aita keteiik, Radjan Armiiauly (1975-1994) - jaýynger-internatsionalist, batyr shekarashy.
Jeke qazaqstandyq qurama batalony Kúrshim vzvodynyń quramynda qyzmet atqarǵan.
