Qaraǵandyda oblystyq jedel járdem qyzmetine táýligine úsh myńǵa deiin qońyraý kelip túsedi. Meditsinalyq qyzmetkerlerge júkteme artty. Epidemiialyq jaǵdaidyń kúrdeliligine bailanysty qosymsha brigadalar iske qosyldy, dep habarlaidy "Ult aqparat".
Oblystyq jedel meditsinalyq járdem stantsiiasynyń direktory Zýlfikar Ábilqasymovtyń aitýynsha, qońyraýlar sany birneshe esege artqan.
«Búgingi tańda biz oblys boiynsha táýligine 3 myńǵa jýyq shaqyrtýdy tirkeimiz. Onyń ishinde Qaraǵandy boiynsha 700-ge jýyq ótinish tústi. Qosymsha brigadalar jumys isteýde. Jedel járdem feldsherleri birinshi, ekinshi jáne úshinshi sanattaǵy shaqyrýlarǵa qyzmet kórsetedi. Tórtinshi sanattaǵy patsientterdi emhana brigadalary óz moinyna alady. Bul koronavirýspen aýyratyn naýqastar», – deidi jedel járdem stantsiiasynyń basshysy Zýlfikar Ábilqasymov.
2020 jyly jedel meditsinalyq járdem avtokóligi jańartyldy. Jańa mashinalar barlyq qajettiliktermen tolyq jabdyqtalǵan. Jaqynda ǵana shaqyrtýlarǵa 150 brigada shyqty. Qazir taǵy 26 qosyldy. Kómek tolyq kólemde kórsetiledi.
«Bir jyl ishinde atqarylǵan jumysqa súiene otyryp, júkteme joǵary dep aita alamyn. Bir brigada táýligine 14-16 shaqyrtý alady. Bul ońai emes, sebebi barlyq jerde ýaqyt qajet. Ár qońyraý jedeldikti talap etedi. Naýqastar kidiristerge shaǵymdanýy múmkin, biraq birinshi kezekte bizde árqashan kúrdeli jaǵdailarǵa basty nazar aýdarylady. Bul júrek-tamyr aýrýlary, sodan keiin joǵary temperatýra, sonymen qatar koronavirýstyq infektsiia jáne pnevmoniia», – deidi feldsher Ońdas Jumaǵaliev.
Jedel járdemniń jedel bólimi biryńǵai dispetcherlik qyzmet quramynda bolady. Qońyraýlar aǵynyna bailanysty shtat birlikteri de ulǵaityldy.
«Qońyraýlar birkelki kelip túspeidi. Kóbinese adamdar keshki altydan keiin qońyraý shalady. Bir mezette kóptegen ótinishter kelip túsetin kezder de bolady. Tiisinshe, barlyq shaqyrtýlarǵa der kezinde jaýap berý múmkin emes. Biraq jeli belsendi túrde jumys istei beredi. Iaǵni, dispetcher bosaǵannan keiin ol kelesi qońyraýǵa birden jaýap beredi», – dep túsindiredi Zýlfikar Ábilqasymov.
Dárigerler jaǵdaiǵa túsinistikpen qaraýdy suraidy. Barlyq ótinishter mindetti túrde qaralady jáne nazardan tys qalmaidy.
«Sońǵy 10 kúnde aýrýshańdyq ósýde. Jedel járdem brigadalaryna júkteme úlken. Negizinen balalar men 40 jastan asqan adamdar aýyryp jatyr. Kóbinese PTR analizi oń nátije kórsetedi. Mundai naýqastardy mobildi toptar anyqtaidy», – deidi Oblystyq jedel járdem stantsiiasynyń aǵa kezekshi dárigeri Úmitjan Sultanova.
Qaraǵandylyqtardyń negizgi shaǵymdary - jótel, entigý. Balalarda diareia, qusý jii kezdesedi. Virýstyq infektsiia tek joǵarǵy tynys joldaryna ǵana emes, sonymen qatar asqazan-ishek joldaryna da áser etedi.
Jedel járdem qyzmetkerleri qaraǵandylyqtardy ózderin jáne jaqyndaryn qorǵaý úshin vaktsinatsiiadan ótýge shaqyrady.
«Bizdiń qyzmetkerlerimizdiń 90%-dan astamy ekpe jasatqan. Barlyǵy ózderin jaqsy sezinedi», – dep atap ótti Zýlfikar Ábilqasymov.
