Aǵymdaǵy jyldyń 20 shildesinde Qazaqstan Respýblikasy Aqparat jáne qoǵamdyq damý ministrligi jariialaǵan «Táýelsizdik urpaqtary» grantyn taǵaiyndaý konkýrsyna qatysý úshin qujattardy qabyldaý jalǵasýda.
Táýelsizdiktiń 30 jyldyǵyn merekeleý aiasynda aǵymdaǵy jyly árbir grantqa 3 mln teńge somasynda 30 grant beriletin bolaty bolady.
Grant berýdiń maqsaty belsendi shyǵarmashyl jastar qaýymdastyǵyn qalyptastyrýǵa baǵyttalǵan jastardyń jańa jáne qoldanystaǵy bastamalaryn memlekettik qoldaý bolyp tabylady.
Konkýrstyq ótinimderdi qabyldaý aiaqtalǵan kezde jasy 14 kem emes jáne 29 aspaityn, konkýrsqa qatysýǵa konkýrstyq ótinim bergen Qazaqstan Respýblikasynyń azamaty úmitker bola alady.
Granttar Qazaqstan Respýblikasynyń azamatyna jańa ideialar men bastamalardy iske asyrý úshin konkýrstyq negizde mynadai baǵyttar boiynsha beriledi:
«Ǵylym» – ǵylymnyń basym sektorlarynda jańa ǵylymi jobalardy jáne zertteýlerdi iske asyrýǵa arnalǵan;
«Mádeniet» – Qazaqstannyń mádeni murasyn tanymal etýge, halyqtyq mádeni dástúrler men ónerdi ilgeriletýge baǵyttalǵan jobalardy iske asyrýǵa arnalǵan;
«Aqparattyq tehnologiialar» – jańa IT sheshimder men jobalardy, onyń ishinde jańadan bastalǵan startap jobalardy iske asyrýǵa jáne ázirleýge arnalǵan;
«Biznes» – ekonomikanyń basym sektorlarynda jańa biznes-ideialardy iske asyrýǵa arnalǵan;
«Media» – jańa media jobalardy, onyń ishinde jastar úshin tanymdyq, paidaly, qyzyqty kontent qurý jónindegi jobalardy iske asyrýǵa arnalǵan.
Úmitkerlerdiń konkýrstyq ótinimderi aǵymdaǵy jylǵy 20 qyrkúiekke deiin generation.kaz@gmail.com elektrondyq poshtasyna qabyldanady.
Konkýrstyq ótinimder memlekettik jáne (nemese) orys tilderinde qabyldanady jáne:
1) nysan boiynsha jobanyń sipattamasy;
2) jobanyń beine-tanystyrylymy (60 sekýndtan aspaidy);
3) shyǵystar smetasynyń jobasy;
4) ziiatkerlik menshik týraly málimetter (bar bolsa) qamtylýǵa tiis.
Tolyǵyraq aqparat («Táýelsizdik urpaqtary» grantyn berý qaǵidalary jáne t.b.) Qazaqstan Respýblikasy Aqparat jáne qoǵamdyq damý ministrliginiń resmi saitynda (qogam.gov.kz) «Jastar saiasaty» bóliminde, sondai-aq kelesi nómirler arqyly 8 7172 74-05-25, (87058223333) qoljetimdi.
Esterińizge sala keteiik, Qazaqstan Respýblikasynyń Prezidenti Qasym-Jomart Toqaev aǵymdaǵy jyldyń 5 qańtarynda «Egemen Qazaqstan» respýblikalyq gazetinde jariialanǵan «Táýelsizdik bárinen qymbat» atty maqalasy aiasynda áli tanylmaǵan talantty jastardy qoldaý úshin grant taǵaiyndaýdy tapsyrǵan bolatyn.
Nátijesinde Qazaqstan Respýblikasynyń Úkimeti 2021 jylǵy 8 shildedegi №469 «Táýelsizdik urpaqtary» grantyn taǵaiyndaý týraly» qaýly qabyldady.
