Foto: QR MAM
Astanada biylǵy «Táýelsizdik urpaqtary» grantynyń jeńimpazdaryn marapattaý rásimi ótti, dep habarlaidy Ult.kz.
Eldiń túkpir-túkpirinen biznes, ǵylym, mádeniet, media, aqparattyq tehnologiialar jáne volonterlik saladaǵy otyz úzdik jobanyń ieleri elordaǵa jinaldy. Ár jeńimpazǵa 3 million teńge kóleminde grant sertifikaty tabystaldy.
Jeńimpazdardy Qazaqstan Respýblikasy Premer-ministriniń orynbasary – Mádeniet jáne aqparat ministri Aida Balaeva quttyqtady. Ol jastardy qoldaý memlekettik saiasattyń basym baǵyttarynyń biri ekenin atap ótip, barlyq bastamalar jas urpaqtyń bolashaǵy úshin júzege asyrylyp jatqanyn tilge tiek etti.
Aita keteiik, «Táýelsizdik urpaqtary» granty Memleket basshysynyń bastamasymen daryndy ári bolashaǵynan úmit kúttiretin jastardy qoldaý maqsatynda 2021 jyly qurylǵan. Osy ýaqytqa deiin atalǵan grant 123 qazaqstandyqtyń ideiasyn iske asyrýǵa jáne damytýǵa múmkindik berdi.
