Foto: arasha.kz
Búgin táýelsiz jýrnalist, mediamenedjer Áset Mataev 19 naýryzda ótetin QR Parlament Májilisi depýtattarynyń kezekten tys sailaýyna túsý úshin kandidatýrasy tirkelgeni týraly kýálik aldy.
«Dostar, márege jetip qaldyq! Bir aptadan soń sailaýaldy jumystyń jariia kezeńi bastalady jáne men naqty josparlarymdy aityp bere alamyn. Sizderdiń qoldaýlaryńyzdy sezinip jatyrmyn, jazǵan ár jyly sózderińiz úshin rahmet», - dep jazdy ol óziniń Telegram-arnasynda.⠀
Áset Mataev №5 okrýgte tirkelgen. Oǵan Bostandyq, Medeý jáne Naýryzbai aýdandary jatady.
Qazaqstan boiynsha 29 birmandatty okrýgten barlyǵy 609 kandidat sailaýǵa túsedi.⠀
Eske sala keteiik, Áset Mataev sailaýǵa túskisi keletinin 1 aqpanda málimdegen edi. QazTAG aqparattyq agenttiginiń basshysy men onyń ákesi - Jýrnalister odaǵynyń basshysy Seiitqazy Mataev saiasi sebepterge bailanysty zańsyz sottalǵan.
2022 jylǵy shildede tórtinshi talpynystan soń Joǵary Sot Áset pen Seiitqazy Mataevty tolyǵymen aqtady.
