Qaraǵandy oblysyndaǵy partiialyq emes baqylaý ortalyǵynyń aimaqtyq filialy 500-ge jýyq táýelsiz baqylaýshy daiyndady, dep habarlaidy "Ult aqparat".
25 shilde, aýyl ákimderin sailaý kúni olar sailaý ýchaskelerinde bolady jáne daýys berý protsesin, nátijelerdiń júrgizilýin qadaǵalaidy.
«Elimizde alǵash ret aýyl ákimderiniń tikelei sailaýy ótedi. Sailaý protsesiniń ashyqtyǵy men zańdylyǵyn baqylaý úshin óńirlerdegi filialdarymen «Partiialyq emes baqylaý ortalyǵy« respýblikalyq qoǵamdyq birlestigi quryldy. Qaraǵandy oblysynda 500-ge jýyq táýelsiz baqylaýshyny oqytý uiymdastyryldy», – deidi partiialyq emes baqylaý ortalyǵynyń oblystyq filialynyń tóraǵasy Sultan Sháimaǵanbet.
Ol táýelsiz baqylaýshylar sailaýdy ádil jáne ashyq ótkizýge óz úlesterin qosatynyna senim bildirdi.
Esterińizge sala keteiik, Qaraǵandy oblysynda aýyl ákimderiniń alǵashqy sailaýy 25 shildede 149 eldi mekende ótedi. 75 orynǵa 268 úmitker úmitker: 81 – saiasi partiiadan jáne 187 ózin-ózi usynǵan. Bolashaq aýyl basshysyna 81 myńnan astam sailaýshy daýys bere alady.
