23 naýryzda Máskeýde Naýryz merekesine arnalǵan saltanatty is-shara ótti. Qashanda Naýryz merekesi qazaq halqynyń rýhani ulylyǵyn kórsete otyryp, ýaqyt pen urpaqtardyń tolassyz bailanysy bolǵan, kóktemgi kún men túnniń teńeleýin, tabiǵattyń jańarýy men oianýyn bildirgen.
Qazaqstannyń Reseidegi Elshiligi uymdastyrǵan qabyldaýǵa elimizdiń dostary – kórnekti reseilik saiasatkerler, mádeniet qairatkerleri, sondai-aq Máskeýde tirkelgen sheteldik diplomatiialyq korpýs pen halyqaralyq uiymdardyń basshylyq quramy qatysty.
Keshti quttyqtaý sózimen ashqan Qazaqstan Respýblikasynyń Resei Federatsiiasyndaǵy Tótenshe jáne Ókiletti Elshisi Imanǵali Tasmaǵambetov Naýryz – jańa jyldyń kelgenin bildiretin Shyǵystaǵy eń kóne jáne qurmetti mereke ekenin eske saldy. "Búgin biz úshin airyqsha kúni quttyqtaýǵa jaqyn dostarymyz, qurmetti qonaqtarymyzdyń kelgenine óte qýanyshtymyz", – dedi Elshi, barsha qaýymǵa densaýlyq, baq-bereke men sáttilik tilei otyryp.
Qonaqtar zamanaýi qazaq óneriniń sarqylmas qazynasy men bailyǵyn kórsetetin rýhani, mádeni baǵdarlamanyń ulttyq aiqyn kórinisinen lázzat aldy.
"Farab" bi teatry aqqý men Tomiris patshaiymynyń beinesin somdai otyra bidiń sheńberinen shyǵyp, naǵyz teatrlandyrylǵan qoiylymǵa ulasty.
"Astana opera" teatrynyń jetekshi solisi Saltanat Ahmetova men Talǵat Musabaevtardyń jáne de halyqaralyq konkýrstardyń laýreattary Stanislav Savva, Daria Kaminskaia, pianist Aleksandr Strahov, Iýliia Savchenko, "Alataý" folklorlyq ansambliniń óner týyndylary Resei astanasynyń talǵampaz jurtshylyǵyn ónerimen tánti etti.
Sonymen birge kórermenderge eýropalyqtardyń baǵasyn alyp úlgergen, qazaqstandyq dizainer Irina Nabokonyń sán úiiniń úlgileri kórsetildi. Bul joly ol Máskeýge ulttyq úlgidegi biregei kóilekterdi alyp keldi.
Osy merekege kelip, qýanyshymyzdy bólisken qonaqtarymyz alǵan áserlerimen de bólisip jatty.
"Trýd" gazetiniń bas redaktory, Qazaqstannyń týmasy Valerii Simonov óz jerlesterine shyn júrekten sálem joldady. "Osy kóktemgi kúni Máskeýde qazaq merekesine kelgenime óte baqyttymyn. Búgin Qazaqstan óziniń bar sulýlyǵyn kórsetti. Biz úlken ulttyq ónerdiń kýási boldyq", – dedi jýrnalist.
Ataqty shahmatist, álem chempiony Anatolii Karpov Qazaqstanda jii bolatynyn, Astanadaǵy shahmat klýbynyń ashylýyna qatysqanyn jáne Almatydaǵy eki shahmat klýbynyń ashylýyna kómek kórsetkenin eske saldy. Onyń aitýynsha, sońǵy ýaqytta qazaqstandyq shahmat mektebinde naǵyz daryndar paida boldy. Ol Naýryz meiramyn tuńǵysh ret toilap otyrǵanyn moiyndap, barsha qazaqstandyqtardy osy merekemen quttyqtady.
Áigili ánshi, kompozitor Oleg Gazmanov búgingi ýaqiǵa dostarmen kezdesý úshin zor sebep bolǵanyn tilge tie ketti. "Bul kóktemgi kún men túnniń teńelýi, sondai-aq qutty kún, – dedi mýzykant. – Naǵyz dostyqqa, bir-birińe aitaryń bolsa, eshqandai ýaqyt ta, araqashyqtyq ta toqsaýyl bola almaidy. Búgin men kontsertten keremet áser aldym. Qazaqstan talanttarǵa toly dese bolady".
Mereke Máskeýge qazaq mádenietiniń bólshegimen birge kóktemgi jylý men keremet kóńil-kúi syilady.
