Tasqyn sý Qulsary qalasyna kire bastady

Foto: videodan alynǵan skrin

Atyraý oblysyndaǵy Jylyoi aýdanynyń ortalyǵy – Qulsary qalasyna tasqyn sý kire bastady, - dep habarlaidy «Ult aqparat» Jylyoi aýdany ákimdigine silteme jasap.

Ákimdik málimetinshe, Qulsary qalasyndaǵy 2 jáne 3-aýylǵa tasqyn sýdyń kirý qaýpi týyndady.

«Jem ózeniniń arnasynan asyp tasydy. Osyǵan bailanysty aýdandyq jedel shtab Qulsary qalasyndaǵy 2 jáne 3-aýyl turǵyndaryn qaýipsiz aimaqqa kóshirý týraly shtab sheshim qabyldady. Birinshi kezekte áielder, balalar, naýqas jandar jáne I, II, III-toptaǵy múgedekter kóshiriledi», - dep habarlady aýdandyq ákimdik. 

Turǵyndardy ornalastyrý úshin Qulsary qalasyndaǵy birneshe mektepte qabyldaý pýnkti ashyldy. Evakýatsiialanǵan turǵyndar №1, 5, 6, 8, 9, 16 jáne 18-orta mektepke ornalastyrylady. 

«Qaýipsiz aimaqqa kóshirý jaqyn jol jieginde qoiylǵan «BatysTehInvest» JShS-niń avtobýstary arqyly júzege asyrylady. Turǵyndardan ózimen birge jeke qujatyn, shaǵyn tósek jáne basqa qajetti zattaryn ala barýy suralady», - dep málim etti aýdandyq ákimdikten.

Tasqyn sý Qulsary qalasyndaǵy ortalyq stadion aýmaǵyna kirdi.