Foto: Atyraý oblysy Jedel shtab
Bul týraly áleýmettik jeli men TikTok, WhatsApp messendjerinde video júkteldi. Videoda kanaldan sý aǵyp jatqany túsirilgen, dep habarlaidy «Ult aqparat» dep habarlady oblystyq jedel shtabtqa silteme jasap.
Atyraý oblysynyń jedel shtabynan málim etkendei, búgin sýdyń kóptigi men qatty jeldiń saldarynan Sokolok kanaly boiyndaǵy bóget buzylǵan.
«Sokolok kanaly – Jaiyq ózeni arqyly Atyraý qalasyna qarai aǵyp keletin mol sýdy retteýdiń negizgi tarmaǵy. Qalany tasqyn sýdan qorǵaý úshin kanal boiyndaǵy alǵashqy bógetke ekinshi qorǵanys nysany salynǵan. Ekinshi qorǵanys bógetiniń beriktigin qamtamasyz etý maqsatynda topyraq toltyrylǵan qappen nyǵaitý jumysy júrgizildi. Bógettiń biiktigi Baltyq júiesiniń deńgeiine sáikes ulǵaityldy. Bul ýchaskede táýlik boiy kezekshilik uiymdastyrylyp otyr. Qazir kanaldaǵy buzylǵan bógetti qalpyna keltirý úshin qosymsha tehnikalar jiberildi», - dep habarlady oblystyq jedel shtabtan.
Eske sala ketelik, budan buryn Jaiyq ózenindegi mol sý Sokolok kanalymen Kaspii teńizine quiylatynyn jazǵan edik.
