Ataqty sportshy, dziýdodan jáne kýrash dep atalatyn ulttyq kúresten álem chempiony Kamoliddin Rasýlov Tashkentte qaza boldy, - dep habarlaidy Tengrinews.kz ózbekstandyq BAQ-qa silteme jasap.
Qaiǵyly oqiǵa 13 qyrkúiekte bolǵan. 29 jastaǵy sportshyǵa tanysy asúi pyshaǵymen denesiniń ár jerinen soqqy jasaǵan, saldarynan dziýdoshy qaza boldy.
Ózbekstan Bas prokýratýrasynyń málimetinshe, sportshy buryn dosyna Humo Trop dárýmenderin satqan, ony qoldanǵannan keiin dosynyń densaýlyǵy nasharlaǵan. Keiin er adamdar arasynda janjal shyqqan.
"Azamat Sh. T. Kamollidin Rasýlovqa telefon soǵyp, Ýchtepa aýdanynyń 14-kvartalynda kezdesýdi usynysady, onda er adamdar arasynda janjal bolyp, Kamoliddin Rasýlov qaza tapty", - delingen vedomstvo habarlamasynda.
Kúdikti ustaldy. Oǵan qatysty "Qasaqana adam óltirý" baby boiynsha qylmystyq is qozǵalǵan, ol 10 jyldan 15 jylǵa deiin bas bostandyǵynan aiyrýdy qarastyrady.
Málim bolǵandai, ustalǵan adam da sportshy, atap aitqanda ol - dziýdo men ulttyq kúresten Ózbekstan chempiony, sondai-aq kýrashtan ózbekstandyq alǵashqy álem chempiony Toshtemir Muhammadievtiń jieni.
