Búgin 2001 jyly 11 qyrkúiekte Niý-Iork qalasynda bolǵan terrorlyq aktiden qaza tapqandardy eske alý kúni. Osyǵan orai Memleket basshysy Qasym-Jomart Toqaev Qazaqstannyń terrorizmge qarsy kúres jónindegi jahandyq is-qimyldardy qoldaitynyn naqtylady. Bul týraly QR Prezidentiniń baspasóz hatshysy Berik Ýáli Facebook-tegi paraqshasynda jazdy.
«Búgin biz de búkil álemdi dúr silkindirgen AQSh tarihyndaǵy eń qaraly kúnderdiń biri – 2001 jyldyń 11 qyrkúiegindegi terrorlyq akt qurbandaryn eske alamyz. Jalpy adamzatqa qarsy jasalǵan osy jantúrshigerlik oqiǵa búkil álemdegi milliondaǵan adamdardyń jadynda berik saqtalǵan.
Qazaqstan álemdik qoǵamdastyqtyń terrorizmge qarsy is-qimyldaryn túbegeili qoldaidy. Qaýipsizdik pen turaqtylyqty qamtamasyz etý – Qazaqstan strategiiasynyń jáne AQSh-pen strategiialyq seriktestigimizdiń negizgi ustanymy», – dep jazdy Memleket basshysy óziniń Twitter paraqshasynda.
