Forbes jariialaǵan milliarderler tiziminde Amazon kompaniiasynyń negizin qalaǵan Djeff Bezos álemdegi eń bai adam dep tanyldy. Onyń bailyǵy 131 mlrd dollardy quraidy jáne ol búgingi tańdaǵy eń bai adam sanalady. VVS basylymynyń jazýynsha, Djeff Bezos álemdegi eń bai adam bolǵanymen, tarihta odan da bai adamdar bolǵan.
«Adamzat tarihyndaǵy eń bai adam - XIV ǵasyrda Batys Afrikany bilegen Manse Mýse. Onyń bai bolǵany sonsha, qazirgi tańda onyń bar bailyǵy qansha bolǵanyn aitý múmkin emes. Alaida, bir belgilisi, ol memleket ekonomikasyn quldyratyp jibergen», - dep jazady basylym.
Maqalada jazylǵandai, Afrika patshasynyń bailyǵyn eshkim sipattai da almaǵan eken.
«Mali imperiiasynda altyn men qymbat taýarlar óte kóp bolǵan jáne onyń kóbi patsha ieliginde edi. Soǵan qaramastan imperiia tanymal bolǵan emes», - deidi avtor. Onyń jazýynsha, Mansa Mýsa Mekkege qajylyq sapar shekken kezde qasyna altyn kiim kigen 60 myń adamdy alyp shyqqan.
«Mansa Mýsanyń qajylyq sapary ekonomikalyq quldyraýǵa alyp keldi. Sebebi ol úsh ai boiy altyn taratqandyqtan, onyń baǵasy quldyrap ketti», deidi avtor.
Maqalada tarihtaǵy eń bai adamdar qatarynda Rim imperatory Avgýst Tsezar, Qytai imperatory Chjao Siýi, Úndistandaǵy moǵoldar dinastiiasynyń basshysy I Akbar, amerikalyq óndirýshi Endriý Karnegi, amerikalyq biznes magnat Djon D. Rokfeller, Resei patshasy Nikolai Aleksandrovich Romanov, úndi patshasy Mir Osman Ali Han, Liviia bileýshisi Mýammar Kaddafi bar.
